Bakıda avtomobildən və evdən oğurluq edən keçmiş məhkum tutulub

Binəqədi rayonunun Motodrom yeni yaşayış sahəsində Bakı şəhər sakini M.İbrahimova məxsus "VAZ-2107” markalı avtomobildən maqnitofon oğurlanıb. Daxili İşlər Nazirliyinin Mətbuat xidmətindən Avtosfer.az-a bildirilib ki, hadisəni törətməkdə şübhəli bilinən paytaxt sakini, əvvəllər məhkum olunmuş K.Tağıyev Binəqədi Rayon Polis İdarəsinin 40-cı polis bölməsi əməkdaşlarının keçirdikləri əməliyyat tədbirləri nəticəsində saxlanılıb. Aparılan əməliyyat tədbirləri ilə onun bu ilin may-iyul ayları ərzində rayon ərazisindəki iki evdən, iki avtomobildən və bir mağazadan pul, məişət əşyası, tütün məmulatı və mobil telefon oğurlaması da müəyyən olunub.

Faktla bağlı araşdırmalar davam etdirilir.