Bakıda bu küçə kəsişməsində yol nişanının olmaması sürücülərə çətinlik yaradır - FOTO - AÇIQLAMA

Şəhərin mərkəzi küçələrindən biri olan Xətai rayonu, Süleyman Vəzirov və Ayaz İsmayılov küçələrinin kəsişməsində heç bir yol nişanı olmadığından, daima həmin ərazilərdə sürücülər əsasən pik saatlarda çətinlik yaşayır.

Press.az -a sürücülər tərəfindən daxil olan məlumatda bu ərazilərdən əsasən axşam saatlarında keçmək o qədərdə rahat olmadığı bildirilir.

Bundan əlavə şəhərin Xəqani küçəsində "STOP" nişanı olduğu halda, Xəqani küçəsi ilə kəsişən Rixard Zorge küçəsində heç bir nişan yoxdur. Və bu da Rixard Zorge küçəsi ilə hərəkət edən sürücünün Xəqani küçəsində dayanmalı və ya dayanmadan keçməli olduğunu bilməməsinə səbəb olur.

Press.az saytı sürücüləri narahat edən bu yol kəsişmələri ilə bağlı BNA-nin mətbuat xidmətinin rəhbəri Mais Ağayevlə əlaqə saxlayıb.

M. Ağayev bildirib ki, söylənilən ərazilərə baxış keçiriləcək. "Hazırda aiddiyyəti şöbə məlumatlandırılıb. Əgər həqiqətən uyğunsuzluq varsa dərhal aradan qaldırılacaq."- deyə M. Ağayev qeyd edib.