Bakıda iki nəfər taksi sürücüsünə qarşı quldurluq edib

Səbail rayonunda quldurluq hadisəsi baş verib. Avtosfer.az APA-ya istinadən xəbər verir ki, hadisə Badamdar qəsəbəsində qeydə alınıb. Səbail Rayon Polis İdarəsindən verilən məlumata görə, Yasamal rayonu, Mahir Əliyev küçəsində iki nəfər naməlum şəxs 35 yaşlı Orxan Bağırovun taksi fəaliyyəti ilə məşğul olduğu “ Daewoo” markalı minik avtomobilini saxlayıb. Onlar müştəri kimi avtomobilə əyləşərək Badamdar qəsəbəai istiqamətinə gediblər. Orada naməlum şəxslər O.Bağırovu döyərək onun 65 manat pulunu alıblar.

Hadisəni törədən şəxslər polis tərəfindən axtarılır.