Bakıda naməlum şəxs 24 yaşlı gəncə bıçaq xəsarəti yetirib

Bakıda bıçaqlanma hadisəsi baş verib. Avtosfer.az "Report"a istinadən xəbər verir ki, hadisə Nərimanov rayonunda qeydə alınıb. Belə ki, naməlum şəxs 1995-ci il təvəllüdlü Marifzadə Cəlal Kamran oğluna yaşadığı evin həyətində bıçaq xəsarəti yetirib. Yaralı təcili tibbi yardım briqadasının köməkliyi ilə xəstəxanaya çatdırılıb. Ona qarın və kürək nahiyəsinin kəsilmiş-deşilmiş yarası diaqnozları qoyulub.