Bakıda xanımını bıçaqlayan kişi özünə də xəsarət yetirib

Bakının Nəsimi rayonunda bıçaqlanma hadisəsi baş verib.

Avtosfer.az">Avtosfer.az APA-ya istinadən xəbər verir ki, hadisə Şövqi Abdullayev küçəsində qeydə alınıb.

Belə ki, ər həyat yoldaşı, 1983-cü il təvəllüdlü Tanrıverdiyeva Mənzərə Rövşən qızına bıçaqla xəsarət yetirib. Yaralı ağır vəziyyətdə xəstəxanaya çatdırılaraq Reanimasiya şöbəsinə yerləşdirilib. Vəziyyətinin orta-ağır olduğu bildirilir.

İlkin məlumata görə, hadisə ailə münaqişəsi zəminində baş verib. Hadisəni törədən şəxs daha sonra özünə də xəsarət yetirib.

Faktla bağlı Nəsimi Rayon Polis İdarəsində araşdırma aparılır.