Bərdədə adam güllələyən şəxsin məhkəməsi başlayır

Bərdə rayonunda adam güllələməkdə təqsirləndirilən Fazil İsmayılovun cinayət işi üzrə ibtidai istintaq başa çatıb. Avtosfer.az-ın "Report"a istinadən xəbərinə görə, iş baxılması üçün Gəncə Ağır Cinayətlər Məhkəməsinə göndərilib. Hakim Məhəmməd Bağırovun icraatında olan iş üzrə hazırlıq iclası oktyabrın 29-na təyin edilib.

Qeyd edək ki, hadisə bu ilin avqust ayında baş verib. F.İsmayılov Tərtər rayon sakini, 1983-cü il təvəllüdlü Elvin Qəzənfər oğlu Nəcəfova üç güllə atıb.

Ayaq nahiyəsindən yaralanan E.Nəcəfov Bərdə Rayon Mərkəzi Xəstəxanasına yerləşdirilib.

F.İsmayılova Cinayət Məcəlləsinin 126.1 (qəsdən sağlamlığa ağır zərərvurma) və 228-ci (qanunsuz silah saxlama) maddələri ilə ittiham verilib.