"Beynəlxalq əhəmiyyətli yolda işlədiyinizin fərqindəsinizmi?" - Ərşad Hüseynov

"Bakı-Sumqayıt yolunda yenə də boru basdırma işləri səbəbindən tıxacdır. Hər halda belə işlər də görülməlidir. Qoy görsünlər, işləri avand olsun." Avtosfer.az xəbər verir ki, bunu hüquqşünas Ərşad Hüseynov deyib. Hüquqşünas hesab edir ki, bu düzgün deyil. "Bu gün diqqət etmişəm ki, orada 5-6 adam və 2-3 ədəd də texnika işləyir. Bu minvalla ən azı 1 ay oradan keçmək əzab olacaq. Qardaşlar, siz ölkəmizin ən yüklənmiş, beynəlxalq əhəmiyyətli yolunda işlədiyinizin fərqindəsinizmi? Camaat 1 aya 100 kilometr uzunluqda 6 zolaqlı avtomagistral tikir. Olmazmı ki, siz də texnikanızı və adamlarınızı ora töküb gecə-gündüz işləməklə bu işi 3-4 günə bitirəsiniz. Axı bu mümkündür. İnsanları da düşünmək lazımdır…
Belə işlərə icazə verməli dövlət orqanları (AAYDA, DYP) da gərək bu qaydada işlərə imkan verməsinlər."

Ərazidə yaşayan sakinlər isə bildirir ki, uzun illərdir minlərlə sakin su və kanalizasiya problemindən əziyyət çəkir. Yolun daralması və tıxac yaranması məsələsi olsa da digər tərəfdən bu sakinlərin xeyrinədir. Çünki bu proses gec-tez baş verməli idi. Yəqin ki, yaxın günlərdə əhali su və kanalizasiya sistemləri ilə təhciz olunacaq və yol da açılacaq. 

Orxan