Biləsuvarda qanunsuz ov edən Masallı sakinləri saxlanıldı

Biləsuvar rayonunun Muğankənd kəndi ərazisində 3 nəfər Masallı rayon sakini qanunsuz ov etdiyi üçün saxlanılıb. Daxili İşlər Nazirliyinin Mətbuat xidmətindən Avtosfer.az-a verilən məlumata görə, avqustun 7-də Biləsuvar rayonunun Muğankənd kəndi ərazisində Masallı rayon sakinləri İ.Manafov, A.Abdullayev və V.Bayramov qanunsuz ov etdikləri üçün Rayon Polis Şöbəsinin əməkdaşları tərəfindən saxlanılıblar. Onlardan müvafiq sənədləri olan 3 ədəd ov tüfəngi, habelə 218 ədəd patron, 2 ədəd patrondaş, 1 ədəd bıçaq və 12 ədəd ovlanmış quş götürülüb.