Bir neçə şəxs insanlara atəş açdı: 2 ağır yaralı

Kanadada baş verən atışma nəticəsində 2 nəfər yaralanıb. Avtosfer.az xəbər verir ki, insident ölkənin ən iri şəhərlərindən olan Torontonun şərqində qeydə alınıb. Bu barədə “Global News” portalı məlumat yayıb.

Məlumata görə, bir neçə şəxs küçədən keçən vətəndaşlara yaxınlaşaraq odlu silahdan atəş açıblar.

Nəticədə çoxsaylı güllə yarası alan iki nəfər xəstəxanaya çatdırılıblar. Xəstəxanadan onların vəziyyətinin ağır olduğu bildirilib.

Hadisənin digər təfərrüatları barədə məlumat verilmir.

Polis cinayətkarların axtarışına başlayıb.

Namiq Musayev