Bu ərazidə yol qazılıb, amma nə təmir, nə də bərpa edilir - Sürücülər ŞİKAYƏTÇİDİR - VİDEO

Paytaxtın Binəqədi rayonu, Süleyman Sani Axundovla Abay Kunanbayev küçələrinin kəsişməsində yolun bir hissəsi istifadəyə yararsızdır. 

Bu barədə təlimçi Arzu Babazadə Avtosfer.az-a videomaterial göndərib. Kadrdan da göründüyü kimi, sözügedən ərazidə qazıntı işləri aparılıb, lakin sonradan təmir-bərpa işləri görülməyib. Nəticədə yoldan keçən sürücülər çuxura düşməmək üçün əks istiqamətli yola çıxırlar. Digər tərəfdən ərazidəki irigövdəli ağaclar yola əyildiyi üçün avtobusların öz zolağında hərəkətini mümkünsüz hala gətirib. Ona görə də avtobus sürücüləri iki zolağın ortasıyla gedərək qazılmış çuxura düşürlər. Xoşagəlməz halla bağlı həm avtomobillərə, həm də avtobuslara ciddi maddi ziyan dəyir.

Təlimçi günün qaranlıq saatlarında vəziyyətin daha da çətinləşdiyini qeyd edib. Onun sözlərinə görə, kəsişmədə yolun işıqlandırılmaması sürücülərin çuxuru görməməsiylə nəticələnir və qəzalara gətirib çıxarır. 

Nərmin