Bu ərazidə yol tamamilə sıradan çıxıb - Sürücülər TƏHLÜKƏDƏDİR - VİDEO

Hacıqabul rayonunda (“Muğan” restoranından başlayaraq) yolun asfalt örtüyü bərbad vəziyyətdədir.

Bu barədə təlimçi Arzu Babazadə Avtosfer.az-ın “Whatsapp” ünvanına videomaterial göndərib. Onun sözlərinə görə, yolun sağ zolağı tamamilə istismara yararsız halda olduğu üçün sürücülər adətən solla getməli olur və bu halda cərimələnirlər. Sağ zolaqda hərəkətdə olan sürücülər isə hər an qəza şəraitiylə üzləşirlər və maşınlarına ciddi maddi ziyan dəyir. Xüsusilə hərəkət iştirakçıları sözügedən ərazidə ötmə əməliyyatını icra edən zaman təhlükə qarşısında qalırlar. Təlimçi “Muğan” restoranını keçəndən sonra təhlükəli döngə nişanının təsir zonasında dərin çökəkliyin mövcud olduğunu və diqqətli davrandığı üçün maşını aşırmaqdan son anda qurtulduğunu qeyd edib. 

Ümid edirik ki, sürücülərin həyatını riskə atan bu yolla bağlı aidiyyəti qurum qısa zamanda lazımi tədbir görəcək. 

Nərmin