Bu halda cəriməniz silinə bilər - Sürücülərin DİQQƏTİNƏ!

Sürücüləri ən çox narahat edən məsələ cərimələr,onların ödənilməsi və silinməsi mövzusudur.
Praktikada yazılmış cərimələrin sonradan silinməsi halları da var. Ancaq bunun da əsası olmalıdır.
Bəs hansı halda cərimə silinə bilər?
Mövzu ilə bağlı danışan nəqliyyat üzrə ekspert Elməddin Muradlı bildirib ki, sürücü hər hansı bir qəzanın baş verməməsi məqsədi ilə məcburən qaydanı pozubsa ona yazılan cərimə silinə bilər.
Bunun üçün vətəndaş Baş Dövlət Yol Polisi İdarəsinə müraciət etməlidir. Əsaslandırmalıdır ki, qəzadan yayınmaq üçün zəruri bir vəziyyət yaranıb. İnzibati Xətalar Məcəlləsinin son zərurət maddəsi (Red-18-ci maddə) tətbiq olunmaqla yazılmış cərimə protokoluna xitam verilə bilər. Çünki,vətəndaş bilərəkdən və ya heç bir zərurət olmadan qaydanı pozmayıbsa, bu halda cərimə silinməlidir.(oxu24)