Bu küçədə sürücülər və sərnişinlər təhlükə altındadır: İşıq dirəyi hər an AŞA BİLƏR - VİDEO

Paytaxtın Nərimanov rayonu, Xəlil Rza Ulutürk küçəsində (Nəqliyyat Mübadilə Mərkəzinin çıxışı) qeyri-sabit işıq dirəyi videoregistrator tərəfindən qeydə alınıb.

Avtosfer.az-ın məlumatına görə, sürücülük təlimçisi Arzu Babazadə videonu “Whatsapp” ünvanına göndərərək ətraflı izah verib.
Kadrdan görünür ki, səkidə quraşdırılmış işıq dirəyi nasaz vəziyyətdədir və əlverişsiz hava şəraitində sürücülər və sərnişinlər üçün risk yaradır. Küləyin təsirindən sağa-sola tərpənən dirək ərazidən keçən nəqliyyat vasitələrinin və piyadaların üzərində potensial təhlükə doğurur.

Qeyd edək ki, enerji təchizatına cavabdeh qurumlar məsələni dərhal nəzarətə götürməli, dirəyin möhkəmləndirilməsi və ya dəyişdirilməsi işlərini həyata keçirməlidirlər. Əks halda, işıq dirəyinin aşması ciddi ziyana və ən pisi insan itkisinə səbəb ola bilər.

Nərmin