“Chevrolet”dən narkotik aşkarlanıb

Bərdə sakininin avtomobilindən narkotik aşkarlanıb. Bu barədə Avtosfer.az-a Daxili İşlər Nazirliyinin (DİN) Mətbuat xidmətindən məlumat verilib. Belə ki, Biləsuvar Rayon Polis Şöbəsi əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində Bərdə rayon sakini Ə.Sadıqovun idarə etdiyi “Chevrolet” markalı avtomobilindən 88 qram heroin və 112 qram metamfetamin aşkar edilərək götürülüb.