Çirkli kondisioner allergiya və astmaya səbəb ola bilər

Yayda kondisioner evdə, ofisdə və avtomobildə həyatın ayrılmaz hissəsinə çevrilir. Lakin, yanlış istifadə arzuolunmaz nəticələr də yarada bilir.

Avtosfer.az xəbər verir ki, kondisioner təhlükəki qurğu deyil. Lakin, saatlarla qapalı məkanda istifadə zamanı allergik rinit, konyunktivit və astma kimi xəstəliklər ortaya çıxa bilər. Problemdən ən çox sürücülər və ofis işçiləri şikayət edirlər. İş burasındadır ki, çox vaxt həkimlər düzgün diaqnoz qoysalar da, xəstəliyin mənşəyini tapa bilmirlər.

Araşdırma zamanı məlum olub ki, adıçəkilən xəstəliklərin mənşəyi çirkli kondisionerlərdir. Burada isə profilaktika müalicədən daha vacibdir. Avtomobildə filtr vaxtaşırı dəyişdirilməli, ofisdə isə 2 həftədə 1 dəfə yuyulmalıdır. Ən əsası isə, avtomobildə və ofisdə hava tez tez dəyişdirilməlidir.

Vüqar