Çuxurlarla dolu bu küçə sürücülərə həm ziyan vurur, həm təhlükə yaradır - VİDEO

Paytaxtın Nizami rayonu, Kamil Balakişiyev küçəsində yolun asfalt örtüyünün yararsız vəziyyətdə olması sürücülərin narazılığına səbəb olub.

Bu barədə Avtosfer.az-a izləyicilərdən biri videomaterial təqdim edərək məlumat verib. Kadrlardan aydın görünür ki, yolun müxtəlif hissələrində dərin çuxurlar əmələ gəlib. Nəticədə ərazidən keçən sürücülər hərəkətdə ciddi çətinliklərlə üzləşirlər.

Şikayətçinin sözlərinə görə, yolun əksər hissəsinin bərbad vəziyyətdə olması avtomobillərə maddi ziyan vurur, eyni zamanda qəza şəraitinin yaranmasına səbəb olur. Bildirilib ki, yolun sağ hissəsi demək olar tamamilə yararsız vəziyyətdə olduğundan sürücülər məcbur qalaraq sol hissə ilə hərəkət edirlər.

Sonda vətəndaş məsələ ilə bağlı aidiyyəti qurumlara müraciət etdiklərini qeyd edib.

Nərmin