Daşkəsəndə YPX tərəfindən saxlanılan sərxoş sürücü özünə xəsarət yetirib

Daşkəsəndə sərxoş sürücü özünə xəsarət yetirib. Avtosfer.az-ın APA-ya istinadən məlumatına görə, hadisə avqustun 3-ü saat 17 radələrində Daşkəsən şəhərində qeydə alınıb. Yol Patrul Xidmətinin əməkdaşları şəhər ərazisində xidmətdə olarkən rayon sakini olan bir nəfərin sərxoş vəziyyətdə “VAZ-2106” markalı avtomobili idarə etdiyini görüb və dərhal onu saxlayıblar. Sərxoş vəziyyətdə olan sürücü tutulduğunu görüb və bu zaman üzərində olan ülgüclə qarın nahiyəsinə xəsarət yetirib. Dərhal polis əməkdaşları sərxoş sürücünü xəstəxanaya yerləşdiriblər. Ona ilkin tibbi yardım göstərilib.

Faktla bağlı müvafiq araşdırmalar aparılır.