Dəm qazı "terroru": 5 ölü, 2 yaralı

Rusiyada, Altay vilayətinin Biyske şəhərində 5 nəfər dəm qazından dünyasını dəyişib. Avtosfer.az xəbər verir ki, insident bu gün yerli saatla 12.07 radələrində Lev Tolstoy küçəsində yerləşən şəxsi evdə baş verib.

Bildirilir ki, ölənlərdən ikisi 2003 - 2009-cu ildə doğulmuş yeniyetmədir. Daha iki nəfər isə xəstəxanaya yerləşdirilib. Dünyasını dəyişmiş şəxslərin eyni ailədən olduqları ehtimal edilir.

Müvafiq qurumlar tərəfindən araşdırmalara başlanılıb.

Namiq Musayev