Dənizə gedənlərdə xəstəlik riski - Təhlükə saçan çimərliklər ifşa olundu - VİDEO

Yay fəslində istirahət üçün ən çox seçilən məkanlardan biri çimərliklərdir.

Minlərlə insan günün istisini dəniz kənarında sərinləməklə keçirsə də, yay ərzində dənizə getməyənlər də az deyil. Bunun əsas səbəbi isə çimərliklərdə dəniz suyunun təmizliyi və sağlamlıq üçün təhlükəsizliyi ilə bağlı suallardır.

Suların İstifadəsinə və Mühafizəsinə Dövlət Nəzarəti Xidmətinin əməkdaşı Raminə Abdullayeva bildirib ki, həftədə bir dəfə Xəzər dənizindən su nümunələri götürülərək agentliyin mərkəzi laboratoriyasına təqdim olunur.

Bu il 79 axardan 30 rekreasiya və çimərlik ərazilərindən su nümunələri götürülərək analizlər aparılıb və bəzi çimərliklərdə suyun çirklənməsi və zibillənmə halları aşkar edilib:

"Bu ərazilərdə müvafiq təmizləyici qurğuların olmaması səbəbindən 12 hüquqi şəxs barəsində inzibati protokollar tərtib olunub və cərimə sanksiyaları tətbiq edilib".

Ekspertlər vurğulayırlar ki, Xəzər dənizinə təmizlənmədən axıdılan məişət suları çimərliklərdə bakterioloji çirklənməyə səbəb olur. Bu isə çimmək üçün dənizə üz tutan insanların sağlamlığını təhlükə altına alır.

Ətraflı süjetdə: