Dövlət Proqramının icrasının 1 illiyinə dair ictimai müzakirə keçiriləcək

Dekabrın 25-də Exelsior otelin konfrans zalında Prezident İlham Əliyev tərəfindən 27 dekabr 2018-ci il tarixdə təsdiq edilmiş "Yol hərəkətinin təhlükəsizliyinə dair" (2019-2023) Dövlət Proqramının icrasının 1 illiyinə həsr edilmiş ictimai müzakirə keçiriləcək.

Bu barədə  Yol-nəqliyyat eksperti, "avtosfer.az" saytının baş redaktoru Elməddin Muradlı məlumat verib.  E.Muradlının sözlərinə görə, əsasən ekoloji təmiz nəqliyyat vasitələrinin - hibrid və elektromobillərin ölkəmizə gətirilməsi, bu istiqamətdə stimullaşdırıcı addımların atılması və güzəştlər müzakirə olunacaq. Tədbirdə DİN Baş DYP İdarəsi, Bakı şəhər DYP İdarəsi, Ekologiya və Təbii Sərvətlər Nazirliyi, Dövlət Avtomobil Nəqliyyatı Xidməti, Toyota Azərbaycan şirkəti, Bakı Nəqliyyat Agentliyi, Yaşıllar Hərəkatı, İrəli İctimai Birliyi, Avtomobil Yolları Dövlət Agentliyi və digər qurumlar, eləcə də nəqliyyat sahəsi üzrə ekspertlər, ictimai xadimlər iştirak edəcək.