Dünya çempionatlarında ən çox qol vuran futbolçular: 15 ən yaxşı bombardir - FOTO

2026-cı il dünya çempionatında turnirlər tarixində ən yaxşı bombardir (ən çox qol vuran oyunçu) adı uğrunda şiddətli mübarizə başlayıb. Lionel Messi və Kilian Mbappe hələ turnir bitməmiş artıq dünya çempionatları tarixinin ən məhsuldar oyunçuları siyahısında ilk iki yeri tutublar. Avtosfer.az Oxu.az-a istinadən xəbər verir ki, "RBC" nəşri dünya çempionatları tarixində ən çox qol vuran oyunçuları xatırlayıb.

Futbol üzrə dünya çempionatları tarixində ən yaxşı bombardir kimdir?

Argentinalı Lionel Messi futbol üzrə dünya çempionatları tarixində ən yaxşı bombardir olub və 2026-cı il turnirində vurduğu qolların sayını 21-ə çatdırıb. Hücumçu bu qollardan səkkizini hazırkı turnirdə vurub.

Bir çempionatda qolların sayına görə rekord fransalı Jyust Fontenə məxsusdur. İsveçdə keçirilən 1958-ci il turnirində o, 13 qol vurub və bu nailiyyət təxminən 70 ildir ki, aşılmayıb.

Bu siyahıda ikinci yerdə dünya çempionatlarında 20 matç ərzində 20 qol vuran fransalı Kilian Mbappe gəlir.

Üçüncü yerdə dörd dünya çempionatında 16 dəfə fərqlənən almaniyalı Miroslav Kloze qərarlaşıb. 2014-cü ildə Kloze Braziliyada keçirilən dünya çempionatında rekord müəyyən edib və Messi bu il bu rekordu qırıb.

Dünya çempionatlarının bombardirləri siyahısında növbəti yerdə ikiqat dünya çempionu Ronaldo gəlir. Braziliyalı futbolçu 1998, 2002 və 2006-cı illərdəki turnirlərdə 15 qol vurub.

İlk beşliyi 1970 və 1974-cü illərdəki mundiallardakı 13 matçda 14 qol vuran almaniyalı Gerd Müller tamamlayır.

Beləliklə, dünya çempionatları tarixində 15 ən yaxşı bombardir:

Lionel Messi (Argentina) - 21 qol

Kilian Mbappe (Fransa) - 20 qol

Miroslav Kloze (Almaniya) - 16 qol

Ronaldo (Braziliya) - 15 qol

Gerd Müller (Almaniya Federativ Respublikası) - 14 qol

Jyust Fonten (Fransa) - 13 qol

Pele (Braziliya) - 12 qol

Şandor Koçiş (Macarıstan) - 11 qol

Yürqen Klinsman (Almaniya Federativ Respublikası/Almaniya) - 11 qol

Helmut Ran (Almaniya Federativ Respublikası) - 10 qol

Qabriel Batistuta (Argentina) - 10 qol

Qari Lineker (İngiltərə) - 10 qol

Teofilo Kubilyas (Peru) - 10 qol

Tomas Müller (Almaniya) - 10 qol

Qjeqoj Lyato (Polşa) - 10 qol.