Ər arvadını 5 dəfə bıçaqlayıb - Astarada

Astara rayonunda bıçaqlanma hadisəsi baş verib. Avtosfer.az-ın "Report"a istinadən verdiyi xəbərə görə, hadisə Kolatan kəndində qeydə alınıb. Belə ki, 1982-ci il təvəllüdlü Quliyev Ramin Cəfər oğlu ailə-məişət zəminində həyat yoldaşı 1983-cü il təvəllüdlü Quliyeva Elazə Şirməmməd qızını döş qəfəsinə beş dəfə bıçaq zərbəsi endirib. Lənkəran Rayon Mərkəzi Xəstəxanasına çatdırılan E.Quliyeva reanimasiya şöbəsinə yerləşdirilib. Faktla bağlı araşdırma aparılır.