Ermənistanda mənzildən bir ailənin 4 üzvünün meyiti tapılıb

Ermənistanda mənzildən 4 nəfərin meyiti tapılıb. Avtosfer.az xəbər verir ki, insident ötən gün Lori əyalətinin Alaverd şəhərində qeydə alınıb. Bu barədə ölkənin istintaq komitəsinin mətbuat xidməti məlumat yayıb.

Bildirilir ki, dekabrın 25-də şəhər səhiyyə mərkəzinə mənzillərin birində 4 nəfərin öldüyü ilə bağlı məlumat daxil olub. Deyilən ünvana gələn xüsusi qrup hadisə yerindən bir ailənin dörd üzvünün (ər-arvad, 2002 və 2004-cü ildə dünyaya gəlmiş iki yeniyetmə) cəsədini aşkarlayıb.

Mətbuat xidmətindən həmçinin qeyd ediblər ki, mənzilə baxış zamanı qaz sobasının açıq olduğu və qaz sızıntı sensorunun da qoşulu olmadığı müəyyən olunub.

Faktla bağlı cinayət işi açılıb, araşdırmalar aparılır.

Namiq Musayev