Evdən qızıl-zinət əşyaları oğurlanıb - Masallıda

Masallı rayonu ərazisindəki evlərin birindən qızıl-zinət əşyaları oğurlanıb. Daxili İşlər Nazirliyi (DİN) Mətbuat xidmətindən Avtosfer.az-a verilən məlumata görə, Masallı Rayon Polis Şöbəsi əməkdaşlarının keçirdikləri əməliyyat tədbiri nəticəsində evdən 4000 manat dəyərində qızıl-zinət əşyaları oğurlamaqda şübhəli bilinən Təzəkənd kənd sakini, əvvəllər məhkum olunmuş M.Həmidov saxlanılıb.