Fəallar 40-a yaxın lüks avtomobilə ziyan vurdular

Almaniyada “Rocks in the Gearbox” (“Sürət qutusundakı daşlar”) təşkilatının bir qrup “yaşıl” fəalı, Frankfurt avtosalonunda sərgilənəcək təxminən 40-a yaxın lüks, “Jaguar”, “Land Rover” və “Aston Martin” markalarının avtomobillərinə zərər vurublar.

Avtosfer.az “Autonews.ru”ya istinadən xəbər verir ki, insident Visbaden şəhərində mərkəzi diler avtodayanacağında baş verib. Bu barədə “Reuters” agentliyi məlumat yayıb.

Polisin məlumatına görə, fəallar maşınların şüşələrini sındırıb, kuzov elementlərini də zədələyiblər. Onlar çəkic və digər dəmir metal əşyalardan istifadə ediblər. Bundan sonra onlar manifestlə çıxış edərək öz məqsədlərini çatdırıblar. “İki həftədən sonra Frankfurt avtosalon sərgisinə start veriləcək. Bu “ŞOU” köhnəlmiş və iqlimi öldürən nəqliyyat vasitələrini təbliğ edir. Biz bu tədbiri ifşa etmək niyyətindəyik. Əslində, bu, kasıb və gələcək nəsillərin istismarı ilə qazanc əldə etməkdir”, - “Rocks in the Gearbox”un bəyanatında qeyd edilir.

Bu açıqlamadan sonra bir neçə ekoloji qrup sentyabrın 14-nə planlaşdırılan etiraz aksiyalarına qoşulmaq niyyətlərini açıqlayıblar.

Avtosalonun təşkilatçıları öz növbəsində təhlükəsizlik təbirlərinin gücləndiriləcəyini söyləyiblər.

Namiq Musayev