FİA-nın prezidenti yenidən o seçildi – Anar Ələkbərovdan PAYLAŞIM - FOTOSESSİYA

Dünya avtomobil idmanında daha bir uğurlu il FİA-nın Baş Assambleyası və “FİA Awards” mükafatlandırma mərasimi ilə yekunlaşdı. Bu il tədbirlər Daşkənd şəhərində keçirildi və ev sahibi ölkənin komandası müstəsna hazırlıq səviyyəsi və yüksək peşəkarlıq nümayiş etdirdi.

Avtosfer.az xəbər verir ki, bu fikirləri özünün “Instagram” hesabında Prezident İlham Əliyevin köməkçisi, Azərbaycan Avtomobil Federasiyasının Prezidenti Anar Ələkbərov paylaşıb. O bildirib ki, bütün laureatlar əldə etdikləri görkəmli nailiyyətlərə və yüksək standartlara sadiqliklərinə görə təqdir edilir.

“Onların töhfəsi avtomobil idmanının qlobal miqyasda inkişafına dəstək olaraq, onun gələcək inkişafına təkan verəcək.

Həmçinin cənab Məhəmməd ben Sulayemi FİA-nın prezidenti vəzifəsinə yenidən seçilməsi münasibətilə səmimi-qəlbdən təbrik edirik. Arzu edirik ki, onun yeni səlahiyyət müddəti dünya avtomobil idmanı ictimaiyyətinin rifahı naminə mühüm nailiyyətlər və daha iddialı təşəbbüslərlə yadda qalsın,” – deyə Prezidentin köməkçisi qeyd edib.

Səfər