Gəncədə 16 yaşlı qız oğurlanıb

Gəncə şəhərində gənc qız oğurlanıb. Avtosfer.az-ın “Report”a istinadən xəbərinə görə, hadisə şəhərin Kəpəz rayonu ərazisində baş verib. Belə ki, qızın atası Kəpəz Rayon Polis İdarəsinə (RPİ) müraciət edərək 2003-cü il təvəllüdlü övladının naməlum şəxs tərəfindən oğurlandığını bildirib. Kəpəz və Daşkəsən rayon polis şöbələrinin (RPŞ) əməkdaşları tərəfindən qızın Daşkəsən rayon sakini, 2000-ci il təvəllüdlü A.Həsənov tərəfindən oğurlandığı müəyyən edilib.

Keçirilən əməliyyat-axtarış tədbirləri zamanı A.Həsənov saxlanılıb, gənc qız ailəsinə təhvil verilib.