Geyim anbarında dəhşətli yanğın: azı 9 ölü, 10 ağır yaralı - FOTO

Hindistanda geyim anbarında baş verən yanğın nəticəsində azı 9 nəfər ölüb, daha 10 nəfər ağır xəsarətlər alıb. Avtosfer.az xəbər verir ki, insident bu gün Yeni Dehli şəhərinin şimal-qərbində qeydə alınıb. Bu barədə NDTV telekanalı məlumata yayıb.

Bildirilir ki, yanğın gecə yarısından sonra Kirari rayonunda başlayıb.

Hazırda alovlar söndürülüb, yaralılar xəstəxanalara çatdırılıblar.

Yanğının baş vermə səbəbləri məlum deyil.

Namiq Musayev