Goranboyda yanğın nəticəsində ana-bala xəsarət alıb

Goranboyda yanğın olub. Avtosfer.az-ın APA-ya istinadən məlumatına görə, hadisə rayonun Sarov kəndində qeydə alınıb. Belə ki, fərdi yaşayış evində baş vermiş yanğın nəticəsində ana ilə bala yanıq xəsarətləri alaraq, Gəncə Şəhər Təcili Tibbi Yardım Xəstəxanasına çatdırılıb. Onların vəziyyətləri ağır olduğundan paytaxta göndərilməsi nəzərdə tutulub.

İlkin ehtimala görə, yanğın elektrik xətlərində yaranmış qısaqapanma nəticəsində meydana gəlib.

Təfərrüatlar dəqiqləşdirilir.