Göyərtəsində 30 sərnişinin olduğu gəmi batdı: azı 2 ölü, 7 nəfər isə itkin düşüb

Haitidə göyərtəsində 30 sərnişinin olduğu gəmi qəzaya uğrayıb. Avtosfer.az xəbər verir ki, insident ölkənin cənub-qərbində yerləş Vaş adası sahillərində qeydə alınıb. Bu barədə “HaitiLibre” portalı məlumat yayıb.

Portalın məlumatına görə, nəticədə azı 2 nəfər ölüb, daha 7 nəfər isə itkin düşüb.

Bildirilir ki, sərnişinlərdən 23 xilas ola bilib, onlardan biri xəstəxanaya yerləşdirilib.

Xilasedicilər itkin düşmüş sərnişinlərin axtarışlarına başlayıblar.

Hüquq-mühafizə və sahil mühafizə orqan əməkdaşları hadisənin baş vermə səbəblərini araşdırır.

Namiq Musayev