Hərbi vertolyot qəzaya uğradı: 2 hərbçi həlak olub

Əfqanıstanda hərbi vertolyotun qəzaya uğraması nəticəsində iki ABŞ hərbçisi həlak olub. Avtosfer.az xəbər verir ki, hadisənin dəqiq səbəbi istintaq araşdırmalardan sonra məlum olacaq. Bu barədə NATO-nun Əfqanıstandakı “Həlledici dəstək” missiyasının hesabatında deyilir.

Lakin, ilkin hesabatda, vertolyotun “düşmən atəşi” nəticəsində qəzaya uğraması barədə heç nə  göstərilmir. Ölən hərbçilərin adları yaxınlarına bildirilənə qədər gizli saxlanılacağı qeyd edilir.

“Tolo News” telekanalının məlumatına görə, “Taliban” radikal hərəkatı ABŞ-ın silahlı qüvvələrinə məxsus “Chinook” vertolyotunu Loqar əyalətində onların silahlıları tərəfindən vurulduğu barədə bəyanat yayıb.

Loqar əyalətinin başçısı Xəlilulla Kamal öz növbəsində “Ariana News” telekanalına, vertolyotun dağda qəzaya uğradığını söyləyib.

Namiq Musayev