Heydər Əliyev aeroportunda qəza: Yük maşını terminal binasına ziyan vurdu - FOTO

Bu gün Heydər Əliyev Beynəlxalq Aeroportunun ərazisində yol-nəqliyyat qəzası baş verib. Avtosfer.az-ın Trend-ə istinadən məlumatına görə, baş vermiş yol-nəqliyyat qəzası nəticəsində sərnişin terminalının binasının konstruksiyasına ziyan dəyib. İnsident zamanı 90-JU-147 qeydiyyat nişanlı yük maşını manevr zamanı Terminal 2-nin şüşə konstruksiyasına toxunub. Hadisə yerinə yol patrul xidməti dəstəsi çağırılıb, sürücüyə inzibati xəta haqqında protokol tərtib edilib. Hazırda binaya vurulan ziyanın dəyəri qiymətləndirilir.