Hövsan qızlarına söz atan gənclər POLİSƏ ÇAĞIRILDI - VİDEO

Sosial şəbəkədə Hövsan sakinləri və bu kənddən olan qızlarla bağlı xoşagəlməz ifaədlər işlədən gənclərin şəxsiyyəti müəyyən edilib. Bakı Şəhər Baş Polis İdarəsinin mətbuat xidmətinin rəhbəri Elşad Hacıyev "Ölkə.Az"-a bildirib ki, sözügedən videogörüntüdəki şəxslər 2004-cü il təvəllüdlü Məmmədov Mehdixan və 1992-ci il təvəllüdlü Məmmədli İlkindir. E.Hacıyev bildirib ki, hər iki şəxs Suraxanı rayon 30-cu polis bölməsinə dəvət olunaraq, onlarla profilaktik söhbət aparılıb və hərəkətlərinin qanuna zidd olduğu diqqətlərinə çatdırılıb.

Xatırladaq ki, bir neçə gün öncə sosial şəbəkədə yayılan görüntüdəki şəxslərdən biri - Məmmədli İlkin sonradan Hövsan sakinlərindən üzr istəmişdi.

Qeyd: Videoda qeyri-etik ifadələr var.