İki qayıq çevrildi: azı 7 ölü

Filippində iki qayığın çevrilməsi nəticəsində azı 7 nəfər ölüb. Avtosfer.az “RİA Novosti”yə istinadən xəbər verir ki, insident İloilo şəhəri sahilində qeydə alınıb. Bu barədə “Rappler” nəşri məlumat yayıb.

Məlumata görə, mühərrikli qayıqlar Qimaras əyaləti istiqamətinə üzən zaman əsən güclü küləyin təsirinə məruz qalıblar və nəticədə hər iki qayıq çevrilib.

Şəhər Sahil Mühafizə İdarəsindən bildiriblər ki, qayıqlarda 51 nəfər – birində 43 sərnişin və 4 ekipaj üzvü, digərində isə yalnız 4 heyət üzvü olub.

İtkin düşmüş sərnişinlərin və heyət üzvlərinin axtarışları davam etdirilir.

“Sinxua” agentliyinin yaydığı son məlumata görə, xilasedicilər 31 nəfəri xilas ediblər, 8 nəfər  əvvəlki kimi itkin hesab olunur.

Namiq Musayev

Materiallardan istifadə edərkən hiperlinklə istinad VACİBDİR!