İki təyyarə ildırım vurması səbəbindən təcili qəza eniş edib

İsveçrədə “Swiss” aviaşirkətinə məxsus iki təyyarə ildırım vurma səbəbindən Sürix aeroportuna təcili qəza eniş etməyə məcbur olublar. İnsident avqustun 6-sı baş verib. Avtosfer.az “RİA Novosti”yə istinadən xəbər verir ki, ildırım vurmasından ilk zərər çəkən Amsterdama uçan  “LX724” təyyarəsi olub. Hadisədən sonra pilotun qərarı ilə layner qalxdığı hava limanına geri dönüb.

Növbəti “LX2084” hava gəmisinin Lissabona uçuşuna davam etməsinə də ildırım maneə yaradıb. Ekipaj üzvlərinin qərarında sonra o da Sürix şəhərinə geri qayıdıb.

Bildirilir ki, sərnişinlərdən xəsarət alan olmayıb.

Hazırda hər iki təyyarə ola biləcək zədəni aradan qaldırmaq üçün texniki baxışdan keçməyə göndərilib.

Namiq Musayev