Avtosfer.az | Reklam
İndoneziya nümayəndə heyəti növbəti dəfə ASAN təlimlərinə cəb olunub
Gündəm 8 Dekabr 2019 10:15 Oxunub 349
İndoneziya nümayəndə heyəti növbəti dəfə ASAN təlimlərinə cəb olunub
Bu, İndoneziyanın dövlət xidmətləri göstərən orqanlarının nümayəndələri üçün təşkil olunan sayca ikinci təlimdir

6 dekabr 2019-cu il tarixində Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev ASAN təlimlərinə cəb olunmuş İndoneziya nümayəndə heyətinə sertifikatlarını təqdim edib.

2-6 dekabr 2019-cu il tarixində İndoneziya Respublikasının Qərbi Sumatra əyalətinin müxtəlif qurumlarının rəhbərləri “ASAN xidmət” mərkəzlərinin fəaliyyəti ilə tanış olmaq və Dövlət Agentliyi tərəfindən onlar üçün təşkil edilən təlimlərdə iştirak məqsədi ilə Azərbaycana səfər ediblər. Səfər 24 iyul 2017-ci il tarixində Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi ilə İndoneziya Respublikasının İnzibati və Bürokratik İslahatlar Nazirliyi arasında Anlaşma Memorandumunun implementasiyası çərçivəsində reallaşdırılıb.

Səfər müddəti ərzində İndoneziya nümayəndə heyətinə ASAN Təlim-Tədris Mərkəzində Dövlət Agentliyinin mütəxəssisləri tərəfindən “İnteqrasiya olunmuş xidmətlər və innovasiyalar üzrə Azərbaycan modeli” başlığı altında ASAN konsepsiyası, ASAN modelinin uğurlu tətbiqi, o cümlədən liderlik və peşəkar vərdişlər, idarəetmə və standartlaşdırma ilə bağlı təlimlər keçirilib

Qonaqlar “ASAN xidmət” mərkəzləri, Səyyar ASAN xidmət, “ABAD” publik hüquqi şəxs və ASAN Radionun fəaliyyəti ilə də tanış olublar.

Həmçinin nümayəndə heyəti Fəxri xiyabanda ümummilli lider Heydər Əliyevin, Şəhidlər xiyabanında isə qəhrəman Vətən övladlarının xatirəsini ehtiramla yad edib.

Bu, İndoneziyanın dövlət xidmətləri göstərən orqanlarının nümayəndələri üçün təşkil olunan sayca ikinci təlimdir.

ŞƏRH YAZ
Ad

E-mail

Şərh