İran bütün hava limanlarını bağladı, uçuşlar təxirə salındı

İranın qərb əyalətlərində yerləşən bütün hava limanlarının fəaliyyəti növbəti xəbərdarlığa qədər dayandırılıb.

Avtosfer.az xəbər verir ki, bu barədə İranın "Fars" agentliyi xəbər yayıb. Mənbənin məlumatına əsasən, paytaxt Tehranda yerləşən Mehrabad və İmam Xomeyni adına beynəlxalq aeroportlarda da bütün uçuşlar təxirə salınıb.

Qeyd edək ki, bundan əvvəl yerli mətbuat İslam Respublikasının qərbindəki Kirmanşah şəhərində hava hücumundan müdafiə sistemlərinin işə düşdüyünü bildirib.

Xatırladaq ki, iyunun 7-də İsrail ordusunun Beyruta endirdiyi zərbələrdən sonra Yaxın Şərqdə vəziyyət kəskin şəkildə gərginləşib. Daha sonra İran tərəfi İsrailə doğru çoxsaylı ballistik raketlər atıb. Təl-Əviv isə buna cavab olaraq İslam Respublikasının ərazisindəki hədəflərə hücum edib.