İranda göz gözü görmür: Qum qasırğası təhlükəsi

Hazırda İranın cənub-şərqində yerləşən Sistan və Bəluçestan vilayətinin Zabol rayonunda küləyin sürəti saatda 101 kilometrə çatır. Avtosfer.az-ın Trend-ə istinadən məlumatına görə, bunu İranın Sistan və Bəluçestan vilayətinin hava proqnozları bürosunun baş direktoru Möhsün Heydəri deyib. M.Heydərinin sözlərinə görə, güclü külək qum qasırğası ilə nəticələnə bilər və qeyri-münasib hava şəraiti həftənin sonuna kimi davam edəcək. Baş direktor əlavə edib ki, Zabol şəhərində havada partikulyar maddələrin qatılığı hər kvadratmetrdə 1 515 mikroqrama çatıb və normadan on dəfə çoxdur.