İşıq dirəkləri olan küçə qaranlığa qərq olub: Sürücülər və piyadalar təhlükədədir - VİDEO

Abşeron rayonunun Masazır qəsəbəsində, Qaçaq Nəbi küçəsində işıqlandırma problemi yaranıb.

Bu barədə izləyicilərdən biri Avtosfer.az-ın “WhatsApp” ünvanına video göndərərək məlumat verib.

Bildirilib ki, küçənin sonunda işıqlandırma dirəkləri quraşdırılsa da, gecə saatlarında onların işləmədiyi müşahidə olunur. Nəticədə yolun həmin hissəsi qaranlıq qalır.

Qaranlıq ərazi həm sürücülərin, həm də piyadaların hərəkətini çətinləşdirir və qəza riskini artırır. Sürücülər avtomobillərinin işıq cihazlarını yandıraraq hərəkət etsələr də, bu, yolun kifayət qədər görünməsini tam təmin etmir.

Xüsusilə piyadaların qaranlıq ərazidə sürücülər tərəfindən vaxtında fərq edilməməsi onların təhlükəsizliyi baxımından ciddi risk yaradır.

Məsələnin aidiyyəti qurum tərəfindən araşdırılaraq küçə işıqlandırmasının bərpa olunacağına ümid edirik.

Nərmin