“Kəlbəcər” tankeri 2020-ci ildə istifadəyə veriləcək

Bakı gəmiqayırma zavodunda növbəti tankerin – “Kəlbəcər” 2020-ci ildə istifadəyə verilməsi nəzərdə tutulur. Avtosfer.az-ın Trend-ə istinadən məlumatına görə, bunu Xəzər Dəniz Gəmiçiliyinin mətbuat xidmətinin rəhbəri Mehman Mehdiyev deyib. Onun sözlərinə görə, tanker artıq hazırdır və son tamamlanma işləri aparılır: "Kəlbəcər" adlı tankerin istifadəyə verilməsi ilə Azərbaycanın bütün işğal olunmuş rayonlarının tankerlərə verilən adları tamamlanır".

Qeyd edək ki, Xəzər Dəniz Gəmiçiliyinin Azərbaycan bayrağı ilə dünya sularında üzən 14 gəmisi var. Onlardan 12-si quru yük gəmisi, 2-si isə tankerdir.