Kerç bərə keçidində daşımalar dayandırılıb

İyunun 21-dən etibarən Kerç bərə keçidi vasitəsilə bərə daşımaları müvəqqəti olaraq dayandırılıb. Avtosfer.az APA-ya istinadən xəbər verir ki, bu barədə TASS məlumat yayıb. Kerç bərə keçidi Rusiyanın Krasnodar diyarı ilə Krım yarımadası arasında əlaqəni təmin edir.

Qeyd edək ki, ötən gecə Ukrayna Ordusunun gecə saatlarında Kerç yarımadasına PUA zərbələri nəticəsində 4 nəfər ölüb, daha 28 nəfər yaralanıb. Kerç bərə keçidində yerləşən “Panagia” bərəsi də hücuma məruz qalıb. Həmçinin Çuşka qəsəbəsində yerləşən neft terminalında yanğın baş verib.