Kömür şaxtasında uçqun baş verdi: azı 14 nəfər dünyasını dəyişib

Çinin cənubunda Quyçjou əyalətində kömür şaxtasında baş verən uçqun nəticəsində azı 14 nəfər ölüb, daha iki nəfər dağıntılar altında qalıb. Avtosfer.az xəbər verir ki, insident bu gün yerli saatla gecə 01.30-da Anılun rayonunda qeydə alınıb. Bu barədə “Sina” portalı məlumat yayıb.

Bildirilir ki, hadisə zamanı şaxtada 23 nəfər olub, onlardan 7 xilas ola bilib.

Hazırda hadisə yerində xilasetmə briqadaları işləyir. Digər işçilərin axtarışları davam etdirilir.

Qəzanın baş vermə səbəbləri araşdırılır.

Namiq Musayev