Lənkəranda 2 "VAZ” oğurlandı – FOTO

Lənkəranda 2 avtomobil oğurlanıb. DİN Mətbuat xidmətindən Avtosfer.az-a verilən məlumata görə, hər iki oğurluq hadisəsi rayonun Sütəmurdov kəndində qeydə alınıb. Kənd sakini Fuad Zeynalovu evinin qarşısında saxladığı 42-BZ-542 dövlət qeydiyyat nömrə nişanlı, ağ rəngli "VAZ 2107" markalı maşınının gecə saat 3 radələrində oğurlandığını bildirib. Naməlum şəxs və ya şəxslər avtomobilə ön şüşəsini çıxarmaqla daxil olublar. Oğurlanmış avtomobilin dövlət qeydiyyat nişanları Cəlilabad rayonu ərazisində tapılıb.

Kənd sakini Səbuhi Abbasov da gecə saatlarında ağ rəngli "VAZ 2106" markalı, 44-BF-941 dövlət qeydiyyat nişanlı avtomobili yaşadığı evin qabağında saxlayıb. Taksi fəaliyyəti ilə məşğul olan maşının sahibi oğurluq edənlərin peşəkar oğru olduqlarını deyib.

Hər iki oğurluq hadisəsi ilə bağlı Daxili İşlər Nazirliyinin “102 Zəng Mərkəzi” xidmətinə və Lənkəran Rayon Polis Şöbəsinə məlumat verilib.

Namiq