Lənkəranda yeniyetməni vurub qaçan sürücü saxlanıldı

Lənkəran rayonunda 14 yaşlı yeniyetməni naməlum avtomobil vurub. Avtosfer.az-ın “Report”a istinadən verdiyi xəbərə görə, hadisə rayonunun Liman şəhəri ərazisində baş verib.

Belə ki, Cəlilabad rayonu Seyidbazar kənd sakini 2005-ci il təvəllüdlü Adəm Ağahüseyn oğlu Mirzəyevi naməlum avtomobil vurb.

Sürücü yeniyetməni köməksiz vəziyyətdə qoyaraq hadisə yerindən uzaqlaşıb. Ətrafdakıların köməyi ilə A.Mirzəyev Lənkəran Rayon Mərkəzi Xəstəxanasına çatdırılıb.

Yaralının vəziyyəti ağır olduğu üçün Bakıda yerləşən xəstəxanalardan birinə göndərilib.

Hələlik kimliyi açıqlanmasa da hadisəni törədən sürücünün saxlanıldığı bildirilir.

Faktla bağlı araşdırma aparılır.