Macarıstan Ukraynaya məxsus PUA-nı vurub

Macarıstanın Hava Hücumundan Müdafiə qüvvələri Ukrayna ilə sərhəddə bu ölkəyə məxsus pilotsuz uçuş aparatını (PUA) vurub.

Avtosfer.az xəbər verir ki, bu barədə "Magyar Hirlap" qəzeti məlumat yayıb.

Budapeşt PUA-nın Ukrayna xüsusi xidmət orqanları tərəfindən kəşfiyyat məqsədləri üçün istifadə oluna biləcəyindən şübhələnir.

Kəşfiyyat mənbələrinə görə, insident Ukrayna və Macarıstanın xüsusi xidmət orqanları arasında bir neçə aydır davam edən müharibənin bir hissəsidir.

Qəzet hadisənin ötən həftə baş verdiyini, ancaq indi məlum olduğunu dəqiqləşdirib.(oxu.az)