Marketə girən sürücünün avtomobili oğurlanıb

Tovuzda avtomobil oğurlanıb. Avtosfer.az-ın APA-ya istinadən məlumatına görə, hadisə rayonun Heydər Əliyev prospektində qeydə alınıb. Belə ki, rayon sakini Fuad Vəliyev idarə etdiyi “VAZ-2107” markalı avtomobili marketin qarşısında saxlayıb. Alış-veriş etmək üçün marketə girən sürücü qayıdanda avtomobilinin oğurlandığını görüb. Dərhal hadisə ilə bağlı polisə məlumat verilib. Avtomobilin tapılması istiqamətində axtarışlara başlanıb.

Faktla bağlı araşdırma aparılır.