Maşın bazarında silahlı atışma: 7 nəfər xəsarət alıb - FOTO

Türkiyənin Van əyalətində avtomobil bazarında silahlı atışma baş verib. Avtosfer.az xəbər verir ki, insident bu gün saat 11.00 radələrində Tuşba rayonunda qeydə alınıb.

Məlumata görə, ikinci əl nəqliyyat vasitələrinin alınıb satıldığı bazarda naməlum səbəblərdən iki qrup arasında mübahisə yaşanıb. Mübahisə qısa müddət ərzində silahlı münaqişəyə çevrilib. Daş, dəyənək və kəsici alətlərin də istifadə edildiyi davada, 4-ü silahlı olmaqla 7 nəfər xəsarət alıb.

Ətrafdakı insanların xəbər verməsi ilə hadisə yerinə polis və səhiyyə briqadaları cəlb olunub.

Havaya xəbərdarlıq atəşi açan polisin təhlükəsizlik tədbirlərindən sonra yaralılar ambulanslarala rayonun müxtəlif ərazilərində yerləşən tibb məntəqələrinə çatdırılıblar.

Polis hadisə ilə bağlı araşdırmalara başlayıb.

Namiq Musayev