Maşın qarajından aslan balası tapılıb - FOTO

Moskvada maşın qarajından aslan balası tapılıb. Avtosfer.az “RİA Novosti”yə istinadən xəbər verir ki, bu barədə yerli sakinlər müvafiq orqanlara məlumat verib. Məlumat əsasında polis və Təbiətin İdarə olunması Departamentin əməkdaşları birgə, Mira prospekti yaxınlığında yerləşən qaraja baxış keçiriblər və oradan 1 ədəd aslan balası aşkarlayıblar.

Qaraj sahibi ilə sorğu-sual zamanı, onun heyvanı saxlamaq üçün heç bir sənədinin olmadığı məlum olub. Bundan sonra o, polis idarəsinə aparılıb.

Polis qanunsuz vəhşi heyvan saxlamaq faktı ilə araşdırmalara başlayıb.

Aslan balası isə heyvanların saxlanma mərkəzinə yerləşdirilib.

Namiq Musayev