Meksikada 20 nəfərin meyiti aşkar olunub

Meksikanın Miçoakan ştatında 20 nəfərin meyiti aşkar olunub. Avtosfer.az APA-ya istinadən xəbər verir ki, bu barədə ştatın təhlükəsizlik naziri İsrael Patron məlumat yayıb. Onun sözlərinə görə, əvvəlcə Uruapan şəhərinin üç fərqli yerində meyitə rast gəlinib. Daha sonra 9 meyit körpüdən asılmış vəziyyətdə tapılıb. Onların arasında iki qadın da olub. Bunların ardınca daha 7 meyit hissələrə bölünmüş halda aşkarlanıb. Onların müayinəsi zamanı üzərlərində güllə yaralarının olduğu müəyyən edilib.