Məşhəd-Bakı aviareysi üzrə birbaşa uçuşlara başlanılıb

Bu gündən etibarən Məşhəd-Bakı sərnişin aviareysi üzrə birbaşa uşuşların yerinə yetirilməsinə başlanılıb.

İranın Azərbaycandakı Səfirliyindən “APA-Economics”ə verilən məlumata görə, qeyd olunan aviareys həftədə iki dəfə olmaqla – 1-ci və 4-cü günlər həyata keçiriləcək. Bu planın icraçısı “Bakustar” şirkətidir. Şirkəti bu gündən etibarən Azərbaycan Respublikasının bütün sərnişinlərinə öz aviaxidmətlərini təklif etməyə başlayıb.

“Uçuşlar İran və Azərbaycan arasında əlaqələrinin daha da inkişafı üçün təşkil edilib”, - deyə Səfirlikdən bildirilib.